ផលិតផល និងសេវាកម្ម

ក្រុមហ៊ុន កំពត ឡូជីស្ទីក អេន ផត ឯ.ក (Kampot Logistics and Port ​ Co..Ltd “KLP” មានទីស្នាក់ការកណ្តាល  ផ្ទះលេខ១៤-១៥ ផ្លូវលេខ៣៣៥ ភូមិ២ សង្កាត់បឹងកក់២ ខណ្ឌទួលគោក រាជធានីភ្នំពេញ និងទីតាំងកំពង់ផែសមុទ្រទឹកជ្រៅរបស់ ក្រុមហ៊ុន កំពត ឡូជីស្ទីក អេន ផត ឯ.ក   ស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត។    កំពង់ផែនេះគឺជាកំពង់ផែសមុទ្រទឹកជ្រៅដ៏សំខាន់និងធំជាងគេនៅក្នុងព្រះរាជាណាចក្រកម្ពុជាដែលមានផ្ទៃដីប្រតិបត្តិការទំហំ៦០០ហិកតា។​ ហើយវាជាកំពង់ផែដែលមានសក្ដានុពលខ្លាំងបំផុតដែលមានលទ្ធភាពឲ្យនាវាផ្ទុកទំនិញទំងន់ចាប់ពី៦០,០០០តោនដល់១០០,០០០តោនអាចចូលចតបាន និងជាកំពង់ផែសមុទ្រទឹកជ្រៅតែមួយគត់នៅក្នុងព្រះរាជាណាចក្រ​កម្ពុជា ក្នុងការ􀂣ប្រតិបត្តិការអារ􀇶ជីវកម្មងាយស្រួលដល់អ្នកវិនិយោគទុន ដូចជាការនាំទំនិញចេញចូលក្នុងប្រទេស និងក្រៅប្រទេស ​ឬនាំទំនិញឆ្លងកាត់ទៅប្រទេសទីបីផងដែរ ដែលអាចឲ្យធ្វើចំណេញទាំងពេលវេលា និងថវិកាដល់អ្នកវិនិយោគទុនទូទៅគ្រប់ប្រភេទ។

ក្រុមហ៊ុន កំពត ឡូជីស្ទីក អេន ផត ឯ.ក មានកំពង់ផែសមុទ្រទឹកជ្រៅតែមួយគត់ដែលជួយសម្រួលដល់ការដឹកជញ្ជូនតាមសមុទ្រ ដែលទទួលបានភាពអនុគ្រោះពីធម្មជាតិ ដូចជា៖ កំពង់ផែមានជម្រៅទឹកជ្រៅជាងគេ មានកោះជារបាំងខ្យល់ និងទឹករលកធំៗ  ហើយមានទីតាំងស្ថិតនៅជិតក្នុងការដឹកជញ្ជូនចេញចូលក្នុងប្រទេស និងក្រៅប្រទេស ឬទំនិញឆ្លងកាត់ជាដើម។

ក្រុមហ៊ុន កំពត ឡូជីស្ទីក អេន ផត ឯ.ក បានសាងសង់ឡើងចាប់តាំងពីដើមឆ្នាំ ២០២១ ហើយបាននឹងកំពុងពង្រីកជាបន្តបន្ទាប់។ បន្ចុប្បន្ននេះ កំពង់ផែបានត្រៀមចំណតនាវាមួយចំនួនដែលនឹងបំពាក់ទៅដោយឧបករណ៍លើកដាក់ទំនើបៗ និងទាន់សម័យក្នុងការប្រតិបត្តិការការងារ។  ម្យ៉ាងវិញទៀត ក្រុមហ៊ុនក៏បាននឹងកំពុងខិតខំប្រឹងប្រែងយ៉ាងខ្លាំងក្នុងការលើកកម្ពស់គុណភាពសេវាកម្មតាមរយៈការបំពាក់ដោយគ្រឿងម៉ាស៊ីនទំនើបៗនិងបច្ចេកវិទ្យាថ្មីៗដើម្បីបង្កើនសម្ថភាពនិងបន្តពង្រឹងសមត្ថភាពដល់កម្មករនិងបុគ្គលិកជំនាញៗក៏ដូចជាការប្រើប្រាស់ប្រព័ន្ធស្វ័យប្រវត្តិកម្មដើម្បីពន្លឿនប្រតិបត្តិការការងារដើម្បីកាត់បន្ថយពេលវេលាប្រើប្រាស់សម្រាប់អតិថិជន និងអ្នកប្រើប្រាស់កំពង់ផែផងដែរ។